Shugaban Hukumar Hajji ta Ƙasa, NAHCON, Alhaji Zikrullah Kunle Hassan ya jagoranci tawagarsa zuwa ofishin jakadancin Saudiyya dake Najeriya.
Ziyarar dai na zuwa ne domin tattauna batutuwan da suka shafi moriyar juna a tsakanin kasashen biyu dangane da ayyukan Hajji da Umrah.
Wata sanarwa mai dauke da sa hannun shugabar sashen hulda da jama’a na hukumar, Fatima Sanda Usara ,ta ce ziyarar na da nufin “tabawa gwamnatin tarayya bukatar a dage dokar hana zirga-zirgar jiragen sama zuwa Saudiyya; wata bukata da aka riga aka gabatar ta hannun ma’aikatar harkokin wajen kasar da sauran hukumomin ‘yan uwa”.
A nasa jawabin jakadan Saudi Arabiya a Najeriya, Mista Faisal Bin Ibraheem Al-Ghamidy, shugaban hukumar NAHCON, ya yaba da irin hadin kai da hadin gwiwa da NAHCON ke yi a kodayaushe, kuma hakika Najeriya na jin dadi da Masarautar.
Alhaji Hassan ya ja kunnen Masarautar Saudiyya da ta sake duba dokar hana shigowa kasar kai tsaye domin amfanin alhazan Najeriya masu niyyar zuwa aikin Hajji da Umrah wadanda su ne mazabar farko ta NAHCON.
Shugaban Hukumar Alhazai ta Kano ya kaiwa Mangal ziyarar ta’aziyar mahaifiyarsa
Shugaban ya kuma nuna jin dadinsa kan kokarin da mahukuntan Saudiyya suke yi na biyan diyya ga iyalan wadanda hadarin kurgin ya rutsa da su kamar yadda ya yi alkawari.
A nasa jawabin, H.E. Faisal Al-Ghamidy, ya yi wa tawagar tarba a ofishinsa da kyau. Ya bayyana fatansa na cewa nan ba da dadewa ba za a kawo karshen dakatarwar da aka yi a jirgin a Najeriya zuwa Masarautar. Ya yi alkawarin ba kasarsa goyon baya ga Najeriya a duk lokacin da ya dace.
Dangane da batun biyan diyya na kurayen, Jakadan ya mayar da martani inda ya ce kasarsa ta shirya tsaf don tabbatar da cewa an mikawa magada ko wakilansu diyya cikin gaggawa muddin aka bi ka’idojin.
Daga cikin tawagar shugaban NAHCON akwai kwamishinan ayyuka, Alhaji Abdullahi Magaji Hardawa, kwamishinan manufofi, gudanarwa da kudi, Alhaji Nura Hassan Yakassai, sakataren hukumar NAHCON, Dr Rabi’u Abdullahi Kontagora da mataimaki na musamman ga shugaban, Dr Danbaba. Haruna.
