An fara maidawa alhazan da basu samu zuwa aikin Hajji ba kuɗaɗensu a Ghana

0
33

Hukumar alhazai ta Ghana ta fara biyan sama da mutane 100 da ba su samu damar zuwa aikin hajjin bana ba.

Sama da ƴan Ghana dubu uku ne suka bar ƙasar zuwa kasar Saudiyya a watan Yulin 2022 domin gudanar da aikin Hajji, daya daga cikin rukunan Musulunci guda biyar.

Sakamakon rage adadin yadda a ka saba zuwa aikin Hajji a duniya, lambobin, wasu ƴan Ghana ba su samu zuwa ba, inda daga bisani su ka buƙaci a mayar musu da kuɗaɗensu, wanda hukumar ta yi alkawarin biyan su da zarar an kammala tattara bayanai.

Daraktan Kudi na Hukumar Alhazai ta Ghana, Alhaji Farouk Hamza a wata hira da ya yi da manema labarai ya ce kawo yanzu an biya mutane 85 cikakken kudinsu na da ya kai Sidi na Ghana dubu talatin da tara (GH¢39,000).

“Daga cikin 85 din akwai maniyyata 3 da suka biya kai tsaye ga hukumar, don haka a ka mika musu cek din su na kuɗi kai tsaye. Sauran sun biya ta hannun wakilansu, kuma mun bayar da cek dinsu ga wakilansu. Akwai wasu ƴan kalilan da suka biya a 2020, amma ba za su iya zuwa ba saboda an soke aikin Hajji.”

“Wadancan an sanya su ne a cikin wasu GH¢7000 wanda ya kawo jimlar kudin su GH¢26,500 saboda biyan 2020 GH¢19,500. Wadanda ba su iya yin hakan ba kuma suka nemi a mayar musu da su za su sami cikakken adadin.”

Hukumar ta ce, har yanzu tana da zaɓi ga mutanen da za su so su ci gaba da ajiye kudadensu na tafiyar shekara mai zuwa.

“Mutanen da ke son yin biyan kuɗi don tafiyar shekara mai zuwa za su iya yin hakan. Duk da haka, kudin tafiyar shekara mai zuwa bai riga ya ƙare ba, don haka idan muka fitar da shi, kuma ya yi yawa, za a buƙaci su biya. “