Allah Ya yi wa Jami’a mai kula da yi wa maniyyata rijista na Ƙaramar Hukumar Sabon Gari a Jihar Kaduna, Hajiya Halima Abbas, rasuwa.

A ranar Lahadi Allah Ya yi mata cikawa kamar yadda sanarwar da aka wallafa a zauren WhatsApp na Hukumar Alhazai ta jihar ta nuna.

Sanarwar ta nuna za a yi jana’izar marigayiyar ce da misalin ƙarfe 9 safiyar Litinin a BanZazzau kusa da Makarantar Firamare ta Zaria.

Da fatan Allah Ya gafarta mata, Ya sa Aljanna Firdausi makomarta.